<-- əvvələ qayıt

"Beşiktaş"ın futbolçusundan rekord

14.09.2017 10:04
Xəbərin şəklinə bax

Futbol üzrə Çempionlar Liqasında 2017-2018 mövsümü rekordla başlayıb.
 
Futbolxeber.az saytının məlumatına görə, ilk turun 16 qarşılaşmasında ümumilikdə 54 qol vurulub.
 
Komandalar birinci yarış günündə 28 dəfə fərqləniblər. Ən çox qola İngiltərənin "Çelsi" ("Qarabağ"la oyunda 6:0) və Fransanın PSJ (Şotlandiyada "Seltik"lə görüşdə 5:0) komandaları imza atıb. İkinci yarış günündə isə 26 qol vurulub. Rekordu yeniləyən sonuncu qolun müəllifi isə Türkiyə "Beşiktaş"ının hücumçusu Rayan Babel olub. Hollandiyalı futbolçu Portuqaliyada "Portu"nu 86-cı dəqiqədə məyus edib - 3:1. 
 
Qeyd edək ki, bu rekord Çempionlar Liqasının hazırkı formatına əsasən müəyyənləşdirilib. Əslində 2010-2011 mövsümünün ilk turunda qapılara 63 qol vurulub. Amma həmin formatda ikinci qrup mərhələsi də olub. 

<-- əvvələ qayıt

wap.futbolxeber.az / (c) 2013-2014