<-- əvvələ qayıt

“Qəbələ” “Səbail”lə oyuna hazırlaşır

14.09.2017 00:00
Xəbərin şəklinə bax

“Qəbələ” Topaz Premyer Liqasının V turunun hazırlıqlarını davam etdirir.

Futbolxeber.az-ın klubun saytına istinadən verdiyi məlumata görə, birgünlük istirahətdən sonra sentyabrın 12-də Bakıda bir araya gələn “qırmızı-qaralar” məşqlərini paytaxtda gerçəkləşdirir.

Komanda Premyer Liqanın debütantı “Səbail”lə səfər matçının hazırlığı çərçivəsində gündə bir dəfə məşqə çıxır.

Zədə səbəbindən iki futbolçu məşq prosesindən kənar qalıb. Bunlar ötən turun “Zirə” ilə matçında zədələnən Filip Ozobiçlə Stiven Jozef-Monrozdur.

Xatırladaq ki, “Səbail” - “Qəbələ” oyunu sentyabrın 17-də Bakıda keçiriləcək.


<-- əvvələ qayıt

wap.futbolxeber.az / (c) 2013-2014